ايه هو الـ IP Address

ايه هو IP Address ؟

هو بكل بساطة زى البطاقة الشخصية بتاعتك يعنى انت مين وسكان فين يعنى لو انا عايز ابعتلك جواب لازم اعرف اسمك وعنوانك فى عالم الكمبيوتر الـ IP Address هو البطاقة الشخصية للكمبيوتر بالظبط .

الـ IP : حرفين اختصار لـ Internet Protocol

يعنى من الاخر الـ IP هو عنوان الكمبيوتر المتصل بالانترنت فكل جهاز ليه عنوان IP مختلف مش بيتكرر على الانترنت ولما تبعت ملف الى حد من صحابك او بتعمل تحميل لملف على جهازك او دخلت على موقع فالبيانات بتعدى من جهازك للموقع ومن الموقع لجهازك عن طريق IP الخاص بيك وIP الخاص بالموقع.

يعنى جهازك ليه IP خاص بيه بيميزه عن غيره من الاجهزة المتصلة بالانترنت والـ IP هو عنوان جهازك.

وممكن تعرف شوية معلومات من عنوان IP ، فمثلاً 001.002.003.004 :

001 بيدل على بلد الجهاز

002 بيدل على الجهة المسئولة عن الانترنت في البلد دى

003 بيدل على شركة الانترنت المشترك معها

004 بيدل على رقم المشترك عند الشركة

الـ IP ببساطة هو طريقه  بتتعرف فيه الاجهزة مع بعض جوه شبكة الانترنت .

عندنا نوعين من IP وهما ipv4 وipv6

النوع الاول IPV4 : وهو ده الى بنشتغل عليه حاليا وبتستخدمه معظم الاجهزة المتصلة بالانترنت والمعنى الحرفي ليه هو internet protocol version 4 يعنى بروتوكول الانترنت الاصدار الرابع .

وبيقدر يخزن 32 بت وبيتكون من 4 خانات كل خانة من الخانات دى بتاخذ رقم بين 0 : 255 مثلا

192.168.192.35

الاصدار ده من الـ IP بيقدر يوفر لينا اكتر من الـ 4 مليار IP حول العالم ومن المتوقع انه فى فترة قصيرة جدا مش هيكون فى IP متاح عشان كده تم عمل  IPV6

النوع التانىIPV6 : هو الاصدار اللى هنعتمد عليه في الفتره الجاية والمعنى الحرفي ليه هو internet protocol version 6 يعنى بروتوكول الانترنت الاصدار السادس وقدرته التخزينية 128 بت وبيتكون من 8 خانات

في الاصدار ده  تم عمل نظام الست عشر وهو نظام بيسمح باستخدام الحروف والارقام مع بعض وبتسخدم فيه الحروف من A:F والارقام من 0 : 9

بمعنى ان شكل IP في الاصدار السادس هيتغير شكله و هيتكون من 8 خانات كل خانة بتتكون من ارقام او ارقام وحروف بالشكل ده

FA70:00E4:0000:FE80:5523:FC81:4CA3:4962

والاصدار هيقدر يوفرلنا  6 تريليون IP تقريبا

ده تقريبا اهم الحاجات التى ممكن تعرفوها عن IP Address فى معلومات كتيرة لسه عايزين نقولهلكم استننونا ..